ಸಿದ್ದಾಪುರ: ತಾಲೂಕಿನ ಕೊಂಡ್ಲಿಯ ಶ್ರೀ ಕಾಳಿಕಾಭವಾನೀ ದೇವಾಲಯದಲ್ಲಿ ಅ.3 ರಿಂದ ಅ.12 ರ ವರೆಗೆ ನವರಾತ್ರಿ ಉತ್ಸವ ಜರುಗಲಿದೆ. ಶ್ರೀದೇವಿಯ ಸನ್ನಿಧಿಯಲ್ಲಿ ಪಂಚಾಮೃತಪೂರ್ವಕ ಕಲ್ಪೋಕ್ತ ಪೂಜೆ, ಸಹಸ್ರನಾಮ, ಕುಂಕುಮಾರ್ಚನೆ ಪೂಜೆ, ಸಪ್ತಶತಿ ಪಾರಾಯಣ ಪ್ರತಿದಿನವೂ ನಡೆಯಲಿದೆ. ಅ.4 ರಂದು ನವಚಂಡೀ ಹವನ, ಪ್ರಸಾದ ಭೋಜನ, 5 ರಂದು ಸಂಜೆ 7 ರಿಂದ ಶ್ರೀ ಬೊಮ್ಮೇಶ್ವರ ಯಕ್ಷಕಲಾ ಕೇಂದ್ರ ಹೊಸೂರು ಹಾಗೂ ಯಕ್ಷತರಂಗಿಣಿ ಹಾರ್ಸಿಕಟ್ಟಾ ಇವರುಗಳ ಸಹಯೋಗದಲ್ಲಿ ಜಾಂಬವತಿ ಕಲ್ಯಾಣ ಯಕ್ಷಗಾನ, 6 ರಂದು ಸಂಜೆ 7 ರಿಂದ ಕು.ವಿಭಾ ರಮೇಶ ಹೆಗಡೆ ಪೂಣಾ ಹಾಗೂ ಶ್ರೀಮತಿ ವಾಣಿ ರಮೇಶ ಹೆಗಡೆ ಸಂಗಡಿಗರಿಂದ ಭಕ್ತಿ ಸಂಗೀತ ಕಾರ್ಯಕ್ರಮ ಏರ್ಪಡಿಸಲಾಗಿದೆ. ಯಾವತ್ತೂ ಕಾರ್ಯಕ್ರಮಗಳಲ್ಲಿ ಭಕ್ತಾದಿಗಳು ಪಾಲ್ಗೊಂಡು ಶ್ರೀದೇವಿಯ ಕೃಪೆಗೆ ಪಾತ್ರರಾಗಬೇಕೆಂದು ದೇವಾಲಯ ಆಡಳಿತ ಮಂಡಳಿಯವರು ಕೋರಿದ್ದಾರೆ.
